बिहीबार साँझ ५ बजे आफ्नो फेसबुक पेजमा स्टाटस लेख्दै उनले फेसबुकमा अनगिन्ती कमेन्ट र स्टाटसहरु पोष्ट गरिएको प्रति आपत्ति जनाउँदै फेसबुकमा जथाभावी गर्नेलाई कारबाही गर्ने चेतावनी दिएका हुन् । गृहमन्त्रालयको साइबर क्राइमविरुद्धको सूचनासहित स्टाटस पोष्ट गर्दै गृहमन्त्री गौतमले फेसबुकलगायतका सामाजिक सञ्जालको दुरुपयोग गर्नेलाई कारबाही गर्ने बताएका छन् । ‘नेपालमा जसरी फेसबुकमा मनपरी गरिन्छ अन्य देशमा यस्तो कमै छ । अझ यूरोप, अमेरिका जस्ता बिकसित मुलुकमा त इन्टरनेट प्रयोगकर्ताको निगरानी गरिन्छ ।
त्यसरी बेईजति गर्नेमाथि कडा कानुन छ ।,’ उनले आफ्नो फेसबुक पेजमा लेखेका छन्, ‘नेपालमा चाहिँ जसले जे गरिदिएपनि हुने, जे लेखेर बेइज्जति गरेपनि हुने झैं औधी दुरुपयोग हुँदै आएको हो । अब भने यसरी दुरुपयोग गर्नेहरु कारबाहीमा पर्ने भएका छन् । गृहले भविष्यमा हुने दुरुपयोगमात्र होइन कि अहिलेसम्म पोष्ट गरिएका आपत्तिजनक तस्वीरहरु पनि हटाउन आग्रह गरेको छ।’ काठमाडौंका प्रहरी प्रमुख खरेललाई हटाएको विषय र रत्नपार्कमा सडक लेनको डोरी पार गरेको तस्वीरले गर्दा समाजिक सञ्चालमा गृहमन्त्री गौतमको चर्को आलोचना भइरहेको छ ।
