न्यायाधीश रणबहादुर बमलाई गोली हान्ने सञ्जय पक्राउ

1. काठमाडौं, चैत ११– सर्वोच्च अदालतका न्यायाधीश रणबहादुर बमको हत्यामा संलग्न फरार अभियुक्त सञ्जय स्माईली मगर पक्राउ परेका छन् । वमको हत्यापछि फरार रहेका मगरलाई साउदी प्रहरीले बुधबार साउदी अरबवाट पक्राउ गरेको हो । नेपालमा प्रहरीले खोजी तिब्र पारेपछि साउदी पुगेका सञ्जय त्यहाँ पेटी क्राइममा संलग्न थिए । नेपाल प्रहरीले इन्टरपोल मार्फत जारी गरेको डिफ्यूजन नोटिसका आधारमा रामेछाप खनियाँपानी ७ कटुञ्जेका भगवान नामले चिनिने सञ्जय पक्राउ परेका हुन । पक्राउ परेका मगरलाई नेपाल ल्याउने तयारी भइरहेको केन्द्रीय अनुसन्धान ब्यूरो सीआईबीका प्रवक्ता किरण बज्राचार्यले जानकारी दिए । यसअघि प्रहरीले बम हत्याका मुख्य योजनाकार बाबु थापासहित चार जनालाई पक्राउ गरी गएको पुस १९ गते सार्वजनिक गरेको थियो । सर्वोच्च अदालतमा तत्कालीन समयमा न्यायाधीश रहेका बमलाई शंखमुलको यूएन पार्क नजिकै २०६९ जेठ १८ गते गोली हानी हत्या गरिएको थियो ।