वैशाख-२६, लमजुङ । लमजुङको बाग्लुङपानी गाविस-५ स्थित कपुरगाउँमा बिहिबार साँझ जिप दुर्घटना हुँदा १ जना गर्भवती महिलाको मृत्यु भएको छ भने १४ जना घाइते भएका छन् ।
दुर्घटनामा पर्ने सबै जना एकै परिवारका सदस्य हुन् । विवाह भोजमा सहभागी भएर सदरमुकाम आउँदै गरेको ग १ ज ५५५० नम्बरको जिप कपुरगाउँमा सडकबाट तल खसेको थियो । घाइतेहरुको जिल्ला सामुदायिक अस्पताल, लमजुङमा उपचार भइरहेको प्रहरीले जनाएको छ ।
