यो सिनेमा प्रचारको अर्को एक नयाँ तरिका हो । जहाँ गायक राजेशपायल राईले विभिन्न नेताहरुको क्यारिकेचर गर्दै हँसिया हेर्न आग्रह गरिरहेका छन् । प्रधानमन्त्री सुशिल कोइरालादेखि नेपाली कांग्रेसका नेता रामचन्द्र पौडेलसम्मले हँसिया हेर्न आग्रह गरेका छन् । तर यी सक्कली नेताहरु भने होइनन् ।
हँसिया सिनेमा हेर्नका लागि कलाकार नीर शाहको पनि क्यारिकेचर गर्दै गायक राईले नयाँ शैलीको प्रचार गरेका हुन् । एकिकृत नेकपा माओवादीका अध्यक्ष प्रचण्ड पनि हँसिया हेर्न दर्शकलाई हौसाइरहेका छन् ।
यस्तै नेपाली कांग्रेसका अर्का नेता शेरबहादुर देउवाले पनि सिनेमा हेर्न आग्रह गरेका छन् । गायक राजेशपायल राईले विभिन्न नेताहरुको क्यारिकेचर पहिलेदेखि नै गर्दै आएका थिए । निर्देशक मिलन चाम्सले सिनेमा प्रचारका लागि नयाँ खुराक अपनाएको बताए ।
हेमा श्रेष्ठ, राजेश हमाल, अनुपविक्रम शाही लगायतका कलाकारले अभिनय गरेको यो सिनेमा पूर्णतया एक्सनप्रधान छ । सिनेमा भोलीबाट देशभरका हलमा एकसाथ प्रदर्शनमा आउँदैछ ।
