(एजेन्सी) जर्मनीमा बस्दै आएकी एनग्रेट रनेक पेशाले अग्रेजी र रुसी भाषाकी शिक्षिका हुन् । उनका १३ छोराछोरी भइसकेका छन् । हाल उनी ६५ वर्षकी भएकी छिन् तर यो उमेरमा उनको गर्भमा चारजना बच्चा रहेका छन् ।
सायद उनी यो उमेरमा एकै पटक चार बच्चा जन्माउने पहिलो महिला बन्दैछिन् । कृत्रिम तरिकाले गर्भाधान गराएकी उनी २१ हप्ताकी गर्भवती छिन् । उनले जबसम्म अल्ट्रासाउन्ड गराएकी थिइनन् उनलाई आफ्नो पेटमा ४ जना बच्चा रहेको पत्तै थिएन । अल्ट्रासाउन्ड मार्फत उनले आफ्नो पेटमा ४ बच्चा रहेको थाहा पाएकी थिइन् ।
डाक्टरले उनलाई चार मध्य कुनै दुईलाई जीवित जन्माउने सल्लाह दिएका थिए तर उनले मानिनन् । उनले चारवटै बच्चा जन्माउन तयार बनेकी छिन् । आफ्नो पेशाबाट यसैवर्ष अवकाश लिन थालेकी उनी ५५ वर्षको उमेरमा गर्भधारण गरेर यस भन्दा पहिले पनि चर्चामा आइसकेकी छिन् ।
उनको जीवमा हालसम्म बच्चा जन्माउनकै लागि पाच पुरुष सम्पर्कमा आए । हाल उनका १३ सन्तानमध्ये सबै भन्दा धेरै उमेरका सन्तानको उमेर ४४ वर्ष रहेको छ । उनका सात नाती नातिना समेत रहेका छन् । उनी भन्ने गर्छिन म कसैको सुन्दैन म जे देख्छु त्यही गर्छु ।
