लमजुङ, आषाढ ७ । अफगानिस्तानको राजधानी काबुलस्थित संसद भवनमा तालिबान लडाकूले भीषण आक्रमण गरेका छन् ।
संसद बाहिर शक्तिशाली कार बम विस्फोट गराएपछि लडाकूहरु कडा सुरक्षा व्यवस्था रहेको संसद भवनभित्र छिरेका थिए । आक्रमणमा संलग्न सबै ६ जना लडाकू मारिएको अफगान आन्तरिक मन्त्रालयले जनाएको छ ।
प्रहरीले लडाकूविरुद्धको
कारबाही अघि संसद भवन खाली गराएको थियो । घटनामा कम्तिमा १८ जना घाइते भएका छन् ।
संसदबाट अनुमोदनका लागि नयाँ अफगान रक्षामन्त्री मासुम स्टानेक्जाइलाई सांसदहरु माझ परिचय गराउँदै गर्दा तालिबानले आक्रमण गरेको हो ।
अफगानिस्तानमा लामो समयदेखि कुनै पनि नयाँ रक्षामन्त्रीले आफ्नो कार्यकाल पूरा निभाउन सकेका छैनन् । अफगानिस्तानमा गत वर्ष धेरैजसो अमेरिकी सेना र सबै नेटो सेना स्वदेश फिर्ता भएपछि हिंसात्मक घटना बढेको छ । (एजेन्सी)
संसद बाहिर शक्तिशाली कार बम विस्फोट गराएपछि लडाकूहरु कडा सुरक्षा व्यवस्था रहेको संसद भवनभित्र छिरेका थिए । आक्रमणमा संलग्न सबै ६ जना लडाकू मारिएको अफगान आन्तरिक मन्त्रालयले जनाएको छ ।
प्रहरीले लडाकूविरुद्धको
कारबाही अघि संसद भवन खाली गराएको थियो । घटनामा कम्तिमा १८ जना घाइते भएका छन् ।संसदबाट अनुमोदनका लागि नयाँ अफगान रक्षामन्त्री मासुम स्टानेक्जाइलाई सांसदहरु माझ परिचय गराउँदै गर्दा तालिबानले आक्रमण गरेको हो ।
अफगानिस्तानमा लामो समयदेखि कुनै पनि नयाँ रक्षामन्त्रीले आफ्नो कार्यकाल पूरा निभाउन सकेका छैनन् । अफगानिस्तानमा गत वर्ष धेरैजसो अमेरिकी सेना र सबै नेटो सेना स्वदेश फिर्ता भएपछि हिंसात्मक घटना बढेको छ । (एजेन्सी)
