भूकम्पको पीडा सेलाउन नपाउदै बर्षा अगाडि नै ताप्लेजुङका विभिन्न क्षेत्रमा गएको पहिरोको कारण ३५ जनाको मृत्यु भएको छ । पहिरोमा परेर अहिलेसम्म २६ जना घाइते भएका छन् । पहिरोको कारण अहिले पनि धेरै बस्तीहरु जोखिममा रहेका छन् । पहिरोको कारणले गर्दा खोज तथा उद्दारमा समेत कठिनाई भएको छ । पीडितहरुले तत्कालिन सुरक्षित स्थानमा सार्न माग गरेपनि पहिरोको कारण खोजकार्यमा कठिनाई आएको छ । पहिरो पीडितहरुले शुक्रवार मात्र केही राहतको सामग्री पाएका छन् । नेपाली सेनाको हेलिकोप्टार मार्फत राहत पुर्याएपछि पीडितहरुको लागि ठूलो राहतको महशुस गरेका छन् ।
ताप्लेजुङको पहिरोमा परी मृत्यु हने परिवारले शोकमा छन् । हराई रहेकाहरु परिवार अझै पनि जीवितै भेटिने आशामा बसेका छन्। तर पनि दैवी विपतिको अगाडि कसको के लाग्दो रहेछ। खोज तथा उद्दार गर्नको लागि निरन्तरको पहिरो बाधक भएको छ ।
यता तमोर नदीमा बाढी पहिरोका कारण नदी किनारामा भेटिएका माछा बोक्न नसकेर स्थानीयले नाम्लो लगाएर बोकेका छन् । तमोर नदीमा बाक्लो लेदो आएको कारण नदी किनारामा माछा यत्रतत्र छरिएका छन् । नदीको छालले फालेका माछालाई मानिसहरुले डोकोमा बोकेर बजारतर्फ लगेका छन्।
