लमजुङ, २४ जुन - टेक्सासको ह्युस्टनस्तिथ चिम्नी रकमा मोटर दुर्घटनामा परि एक नेपाली महिला इन्द्र कुमारी सुबेदीको मृत्यु भएको छ। साथै उक्त घटनामा दुई नेपालीहरु समेत घईते भएका कुरा ह्युस्टनबाट नारायण हरि पाण्डेले बताए।
बेलुका पख घुम्न निस्केको बेला बस स्टेसनमा अनियन्त्रित मोटर सडकबाट बाहिर आउदा यस्तो घटना भएको थियो । घईते भएका दुई नेपालीको नजिकैको अस्पतालमा उपचार भैरहेको छ र उनीहरूको स्वास्थमा सुधार भैरहेको जानकारी प्राप्त भएको छ।
नेपालमा बाग्लुङ घरभई हाल झन्डै दुई महिना अघि उनीहरू दुई जना नेपालबाट घुम्न र परिवार भेट्नका लागि अमेरिका आएका थिए। "बसपार्क पुग्दा एक्कासी मोटरले पछाडिबाट हान्यो " - घाईतेका परिवारले भने।
"वृद्ध महिलाको घटना स्थलमै प्रण गयो "- स्थानीयले भने । ह्युस्टनका स्थानीय प्रहरीले घटनामा संलग्न ड्राइभरलाई नियन्त्रणमा लिई घटनाको छानबिन गरिरहेको छ। यो दुखत दुर्घटनामा ड्राइभरको गल्ती भएको स्थानीय सञ्चार मध्यमले जनाएका छन्।
| |
 |
-
