लमजुङ, असार ११— तनहुँको डुम्रेदेखि लमजुङको बेशीसहर हुँदै मनाङसम्मकोे सडकछेउ मापदण्डविपरीत बनेका १५ मिटर आसपासका घर टहराहरु भौतिक योजना मन्त्रालय र सडक विभागको संयुक्त पहलमा भत्काइने भएको छ । मापदण्डविपरीत बनाइएका आ–आफ्ना घर टहराहरु आफै भत्काउन घरधनीहरुलाई आग्रह गर्दै मालपोत कार्यालयले १५ दिने म्याद दिएर सूचना टाँसिसकेको छ । यसै क्रममा लमजुङका १५ सय घरधुरी भत्किने भएपछि त्यस क्षेत्रमा सडक आसपासका बासिन्दाहरु आतङ्कित भएका छन् । लमजुङ सदरमुकामबासीले संघर्ष समिति बनाएर सो कार्यको विरोध गर्दै निर्णय सच्याउन माग गरी मङ्गलबार प्रमुख जिल्ला अधिकारीमार्फत प्रधानमन्त्री कार्यालयमा ज्ञापनपत्र पढाएका छन् । मागको सुनुवाई नगरे थप आन्दोलनका कार्यक्रम गरिने संघर्ष समितिको ज्ञापनपत्रमा उल्लेख गरिएको छ ।
-
