भैरहवा, २८ वैशाख (ओएनएस) : भारतको उत्तर प्रदेश क्षेत्रमा सोमबार हुने लोकसभा निर्वाचनका लागि आइतबार विहानबाट नेपाल भारत सिमा ४० घण्टाका लागि बन्द भएका छन् । सिमा नाका आइतबार बिहान ७ बजेदेखि बन्द भएका हुन् भने सोमबार राति ११ बजे मात्र खुल्ने छन् ।
चरण–चरण गरी जारी लोकसभा निर्वाचन अन्तर्गत उत्तर प्रदेशको सीमावर्ती जिल्ला महाराजगन्ज र सिद्धार्थनगरमा हुने निर्वाचनलाई मध्यनजर गरी सीमानाका बन्द गरिएको रुपन्देहीका प्रहरी प्रमुख एसपी विक्रमसिंह थापाले बताए ।
सीमा बन्द अवधिमा पैदलयात्री, यातायातका साधन सञ्चालनमा पूर्णरुपमा रोक लगाइएकोले आइतबार सिमा सयौ नेपाली तथा भारतीय नागरिक रोकिएका छन् ।
