(एजेन्सी) ब्रुनोइका सुल्तान हसन अल बोलकियाका ३१ वर्षीय छोरा युवराज अब्दुल मलिकको विवाहमा २१ मुलुकका पाँच हजार पाहुनाहरुले उपस्थित जनाएका छन् । ५ अप्रेलबाट सुरु भएको उनको विवाह समारोह १५ अप्रेलसम्म जारी रहने छ ।
युवराज मलिककले २२ वर्षीया ड्यांग्कु रबी तुलसँग विवाह गरेका छन् । युवराज मलिकले आफ्नी युवराज्ञीलाई विवाह समारोहमा हिरा जडित ताज पहिनाइदिएका छन् । साथै उनले हिराकै नेकलेस, रत्न जडित बुके सुनका पायल तथा शरीरका विभिन्न भागमा समेत रत्न जडित आभुषणहरु पहिनाइदिएका छन् ।
उनी संसार कै दोस्रा धनी सुल्तान मानिन्छन् । १७८८ कोठा रहेको महलको छतमा सुनको प्लेट रहेको छ भने उनीसँग १.२४ लाख करोड रुपैयाँको सम्पत्ति रहेको छ भने कार मात्र सात हजार रहेका छन् । त्यस्तै निकै महंगा ६ सय कार र तीन सय फरारी समेत रहेका उनीसँग सुन जडित विमान समेत रहेको छ ।
