काठमाण्डौ, जेठ २९ - अखिल नेपाल फुटबल संघ एन्फाका कार्यभाहक अध्यक्ष ललितकृष्ण श्रेष्ठको निधन भएको छ ।
आज आफ्नै घरमा रहेका बेला करेण्ट लागेर मृत्यु भएको बताइएको छ । थ्रीस्टार क्लबका अध्यक्ष समेत रहेका श्रेष्ठको शुक्रबार राती १० बजे घरमै रहेका बेला करेण्ट लागेर ज्यान गएको एन्फाका कार्यक्रम निर्देशक सञ्जीव मिश्रले जानकारी दिए ।
उनको शबलाई अहिले जावालाखेलमा रहेको अल्का अस्पतालमा राखिएको छ । एन्फाका अध्यक्ष गणेश थापामाथी भ्रष्टाचार काण्डमा छानबिन हुने भएपछि श्रेष्ठ कार्यवाहक अध्यक्ष भएका थिए ।
